Þjótandi í Þjórsá

Almennar upplýsingar

Þjórsá geymir einn stærsta villta laxastofn landsins og hefur laxveiði verið stunduð þar lengur en elstu menn muna.

Þjótandi, er tveggja stanga svæði, sem tekur við af Urriðafoss B svæði og nær frá efri brú eða gömlu brú og upp að landamerkjum þar sem Þjótandavegurinn endar. Hér er gríðalegur straumur í ánni og koma þónokkrir hyljir, pallar og hlé sem myndast við landið en laxinn leitar í hægara vatn meðfram landinu.

Hér eru bæði flottir flugu og maðkveiðistaðir.

Þjótandi er gömul netajörð og er gamall skúr á svæðinu til minja um netaveiðina. Hér veiðast laxar á stöng og við erum mjög spennt að sjá hvernig mun ganga í sumar. Helstu veiðistaðir eru Sog, Kvíslar, Húsabreiða, Skriðupollar og Gamla brú.

Bóka veiðileyfi

Það eru engin dagbókaratriði ennþá.

Leiðarlýsing og veiðisvæði

Veitt á 2 stangir, Þjótandi

veiðimenn bera ábyrgð á veiðisvæðaskiptingu en ávalt er veitt með 2 stöngum Þjótanda landi. Mælst er til að menn skipti á 3 klst fresti eða það sem menn geta sammælst um. Til þess að ákveða veiðisvæðaskiptingu hittast veiðimenn 6.45 á bílaplaninu við skúrin, séu menn ekki mættir kl. 6.55 hafa þeir sem eru mættir rétt til þess að velja sé það veiðisvæði sem þeir vilja byrja og svo skipta menn eftir 3 klst.

Þjórsá er ein af náttúruperlum Íslands og menn eru skyldaðir til þess að ganga vel um svæðið og hirða allt rusl. Ekki er leyfilegt að gera að fiskum við ána.

Þjórsá er stór og mikil og skulu menn hafavaran á og fara varlega. Áin er mjög hættuleg og er mælst til þess að fólk vaði hvorki, né taki aðra óþarfa áhættu. Veiðimenn eru á eigin ábyrgð við veiðar í Urriðafossi.

Við biðjum veiðimenn að umgangast áfengi með gát og ölvun á svæðinu er stranglega bönnuð því hún skapar hættu.

Vinsælar flugur

Allar helstu túbur fyrir jökulvatn eins og Snælda, Frances, þingeyingur ofl ofl. Stórar einkrækjur henta ágætlega því oft er svo mikið af laxi á svæðinu að þríkrækjur húkka í fiska.

Hentug veiðitæki

Vatnið í Þjórsá er jökulvatn og er allflesta daga litað en mismunandi mikið litað. Svo maðkveiði eða veiðar með t.d. túbu og sökku hentar mjög vel. Þá daga sem vatnið er fallegt á litin er einnig hægt að nota venjulegar flugur og útbúnað sem hentar þannig veiðum.

Gisting

Gisting fylgir ekki.

Fyrir þá sem vilja koma kvöldinu áður og gista er boðið upp á góða gistingu við bæinn Urriðafoss fyrir frekari upplýsingar um gistingu, hafið samband við: urridafossapartments@gmail.com

Hér má sjá myndir og skoða gistinguna sem er í boði

Staðsetning

Kláfabreiða: 63.931322, -20.655428

Fjöldi stanga

2 stangir, seldar saman.

Leyfilegt agn

Veiða má á flugu, spún og maðk.

Kvóti

1. - 10. júní: 2 laxar á stöng á dag. 11. júní og út tímabilið: 5 laxar á stöng á dag. Mælst verður til að menn hlífi stórlaxi sé það mögulegt.

Veiðitímabil

1. júní - 15. sept

Daglegur veiðitími

1/6-10/8: 07:00-13:00 og 16:00-22:00. 11-31/8: 07:00-13:00 og 15:00-21:00. 1-15/9: 07:00-13:00 og 14:00-20:00.

Veiðivarsla

Skráning afla

Veiðibók er í kassa við bílastæði, vinsamlegast skráið allan afla.

Þjótandi í Þjórsá